Ko'p beriladigan savollar

E'lon joylashtirish pullikmi?

Yo'q. E'lon joylashtirish ham, e'lonlarni ko'rish ham mutlaqo bepul. To'lov faqat qo'shimcha reklama imkoniyatlari uchun olinadi: e'lonni yuqoriga ko'tarish va paketlar.

E'lonni qanday joylashtiraman?

Hisobingizga kiring va «Qo'shish» tugmasini bosing. Formada kategoriyani oxirigacha tanlang, bitim turini ko'rsating (ijaraga, sotuv, ayirboshlash, xizmat va boshqalar), sarlavha, tavsif va narxni kiriting, manzilni belgilang va rasm qo'shing.

Rasmlar 8 tagacha bo'ladi, birinchisi asosiy rasm sifatida ko'rinadi. Video ixtiyoriy: MP4, MOV yoki AVI formatida, 59 soniyagacha va 50 MB gacha.

Nega e'lonim darhol ko'rinmayapti?

Har bir yangi e'lon moderatsiyadan o'tadi. Tekshiruv tugaguncha u «Mening e'lonlarim» ro'yxatida «Moderatsiyada» holatida turadi, tasdiqlangandan so'ng «Faol» bo'lib, qidiruv va lentada chiqa boshlaydi.

E'lonni tahrirlaganingizdan keyin ham u qayta moderatsiyaga yuboriladi.

E'lonni qanday tahrirlayman, vaqtincha yashiraman yoki o'chiraman?

Kabinetdagi «Mening e'lonlarim» bo'limida kerakli e'lonni oching: u yerda «Tahrirlash», «Deaktivatsiya» va «O'chirish» amallari bor. Deaktivatsiya e'lonni vaqtincha yashiradi — buyum yana bo'shaganda uni qayta faollashtirasiz.

Ro'yxatdan o'tish uchun nima kerak?

Faqat telefon raqamingiz. Raqamga 6 xonali tasdiqlash kodi yuboriladi, so'ng ismingiz va parolni kiritasiz.

Do'stingizdan referal kod olgan bo'lsangiz, uni shu yerda kiriting: kod faqat yangi hisob ochilayotganda hisobga olinadi.

E'lon egasi bilan qanday bog'lanaman?

E'lon sahifasida ikki yo'l bor: chat orqali yozish yoki ko'rsatilgan raqamga qo'ng'iroq qilish. Yozishmalar «Xabarlar» bo'limida saqlanadi.

Yoqqan e'lonni yurakcha tugmasi bilan «Sevimlilar»ga qo'shib qo'ying — keyin uni qayta qidirib o'tirmaysiz.

Firibgarlikdan qanday saqlanaman?

Buyumni ko'rmasdan turib oldindan pul o'tkazmang, uchrashuvni odam ko'p joyda tayinlang, to'lovdan oldin buyumni va hujjatlarni tekshiring.

Shubhali e'lon yoki foydalanuvchiga duch kelsangiz, Telegram orqali bizga xabar bering — tekshirib chiqamiz.

RentCoin nima?

RentCoin — «Bepul E'lon»ning ichki bonus tizimi. Ballar pul mablag'i emas va naqd pulga almashtirilmaydi, aksiyada ishtirok etish bepul. Ularni e'lonni reklama qilishga sarflaysiz.

RentCoinni qanday ishlab olaman?

Ro'yxatdan o'tganingiz uchun bonus, do'stni taklif qilganingiz uchun referal bonus, promokodlar va yakunlangan bronlar uchun mukofotlar beriladi.

Referal kodingiz «Hamyon» bo'limida turadi: uni do'stingizga ulashing — u kod bilan ro'yxatdan o'tsa, ikkalangiz ham bonus olasiz.

E'lonni qanday yuqoriga ko'taraman?

E'loningiz sahifasidagi «Ko'tarish» tugmasi ikki usulni taklif qiladi: RentCoin bilan ko'tarish yoki faol paketdagi ko'tarishlardan birini ishlatish. Ko'tarilgan e'lon belgilangan vaqt davomida lenta va qidiruv boshida turadi.

Paketlar uchun qanday to'lanadi?

Paketni «Paketlar» bo'limidan tanlaysiz va Payme yoki Click orqali to'laysiz. To'lovdan keyin paket hisobingizga avtomatik qo'shiladi.

Agar holat «To'lov tekshirilmoqda» bo'lib tursa, bir necha daqiqadan so'ng sahifani yangilang.

Mobil ilova bormi?

Ha, «Bepul E'lon» ilovasi Android uchun Google Play'da va iOS uchun App Store'da mavjud — havolalar sahifaning pastki qismida. Ilova va sayt bitta hisob bilan ishlaydi: e'lonlar, chat va RentCoin ikkalasida ham bir xil.

Savolim qoldi, kimga murojaat qilaman?

Pastki menyudagi Telegram havolasi orqali yozing yoki support@bepulelon.uz manziliga xat yuboring. Ma'lumotlar bilan ishlash tartibi «Maxfiylik siyosati» sahifasida yozilgan.